CRÓNICA 2, 10ª XORNADA COTOBADE

Esta é a foto do podio en Cotobade que o equipo pontevedrés RINOCERONTE nos fixo chegar

   Está claro que este equipo antisistema quere sacudir toda a estrutura organizativa da LNB. Se non fora pouco o seu empeño en xogar as xornadas en campos selváticos, aínda que barruce, chova ou vente, agora busca desestabilizar o ánimo dos outros equipos co seu afán de aniquilar a identidade persoal de palanadores e palanadoras. Introduciron un virus no software de todolnb para alterar as fotos que consideren oportuno. Pedimos desculpas se algunha das súas manipulacións molesta a vosa sensibilidade.

Rinoceronte desafía á LNB poñendo cabeza abaixo o logo sagrado da tribo da billarda.

  

 Imos deixar, de momento, de lado as actuacións de Rinoceronte para centrarnos na xornada disputada en Cotobade. 

   Na categoría feminina, LU foi quen máis puntos conseguiu seguida de Bego e Adriana, que a acompañaron no podio. O terreo de xogo de herba non foi impedimento para que 5 palanadoras superaran os 10 puntos. A participación foi de 23 mulleres. 

   A clasificación xeral nesta categoría segue encabezada por BEGO. Nesta xornada, Lu obtivo 2 puntos máis que a súa compañeira de equipo e agora está a 22 puntos. Semella moita a distancia para que a de Beluso poida alcanzar á de Bueu, pero agora chegarán as choivas de primavera e todo é posible en pavillón. Na terceira praza do podio continúa Adriana. A xogadora de Valpaços Terra Quente alcanzou un punto máis ca Elena de Gharaboto, e agora son 2 puntos de vantaxe a favor da palanadora de Vigo. Entre elas dúas vai estar o último lugar do podio, xa que as demais están a cerca de 40 puntos de distancia. Ao mesmo tempo, ningunha delas pode alcanzar a segunda e primeira posición, pois están a 50 puntos de distancia. 

Despois de 10 xornadas e á falta de 6, así quedan os postos que dan dereito a participar no PLAY OFF 2017

   Na categoría absoluta, o triunfo foi para XAN de Lúa de Forza, seguido de Luís Camiña e Manolo Fariña, os dous de Gharaboto. Os xogadores que chegaron ou superaron os 20 puntos foron 7 e curiosamente 3 deles non están no TOP DEZ. Estes foron Manolo Fariña con 21 puntos, Carolo con 20 e Daniel con 20, tamén. Suliñar que Fari tivo que abandonar a xornada na segunda carreira por un asunto familiar grave. 

  O máis salientable dos resultados é que Ricar non conseguíu alcanzar o liderado que tiña a 2 puntos ao comezo da xornada. Unha semana máis continúa Xan na primeira posición. Así, Salva ao conseguir 24 puntos acércase a Ricar. Pola súa banda, Che continúa preto de Salva. Despois destas catro posicións hai unha distancia importante de cerca de 30 puntos coa quinta posición. O título que parecía cousa de dous pode que sexa de catro. Xa o di o refrán billardeiro:

"Se chove na primavera 

o pavillón espera, 

se a primavera é seca 

a palanar na herba."

   Será determinante a superficie na que se xogue? 

Verémolo!!

   Na categoría infantil a ausencia de Juanma foi aproveitada por Adriana que agora está a tan só 5 puntos do xogador de Lúa de Forza. O mesmo aproveitou Oscar de Armadiña para situarse na cuarta posición, por diante de Martiño, que tampouco xogou.

2º OSCAR (ARMADIÑA) 1º GENO (CORREDOIRAS) 3ª YAIZA (VALPAÇOS TERRA QUENTE)

Na categoría de varados a clasificación para o PLAY OFF 2017 está deste xeito

   

CRÓNICA 10 XORNADA COTOBADE

10ª XORNADA

COTOBADE

PARTICIPACIÓN

67

23 MULLERES

44 HOMES

RESULTADOS

CATEGORIA ABSOLUTA		do EQUIPO
1º	XAN	LÚA DE FORZA	SANXENXO
2º	LUÍS CAMIÑA	GHARABOTO	MARÍN
3º	MANOLO FARIÑA	GHARABOTO	MARÍN
CATEGORÍA FEMININA		do EQUIPO
1º	LU	CORREDOIRAS	BUEU
2º	BEGO	CORREDOIRAS	BUEU
3ª	ADRIANA	VALPAÇOS TERRA QUENTE	VIGO
CATEGORÍA INFANTIL		do EQUIPO
1º	GENO	CORREDOIRAS	BUEU
2º	OSCAR	ARMADIÑA	POIO
3º	YAIZA	VALPAÇOS TERRA QUENTE	VIGO
	CATEGORÍA EQUIPOS	do EQUIPO
	1º	CORREDOIRAS	BUEU
	2º	RINOCERONTE	PONTEVEDRA
	3º	GHARABOTO	MARÍN

   Esta 10ª xornada xogouse nun terreo de herba especialmente preparado polo equipo local, RINOCERONTE. Sementaran un novo cespede no antigo campo de fútbol e actual campo da festa do lugar de Vilanova, na parroquia de Tenorio (Cotobade), en setembro do 2016 e durante estes 5 meses coidaron con cautela e dedicación unha superficie que saben que beneficia o xogo dos seus palanadores. Todo este traballo dou os seus froitos o sábado 25 de febreiro, xa que o equipo pontevedrés conseguiu unha puntuación que os acercou ao terceiro posto da clasificación xeral. Posto que dá dereito a participar no PLAY OFF 2017.

   

   De novo, CORREDOIRAS ganou a xornada con 80 puntos, despois quedaron os locais Rinoceronte con 74 e en terceira posición GHARABOTO con 69 puntos.

   Evidentemente, o título está decidido para o equipo de Bueu que avantaxa en 158 puntos ao equipo de Marín GHARABOTO. O segundo e terceiro posto do podio, que ademais son os que clasifican para optar ao Título LNB cos equipos representantes das outras conferencias, estarán disputados ata o final da temporada, xa que hai 3 equipos para dúas prazas. Hai uns meses parecía que o equipo pontevedrés de RINOCERONTE se quedaba moi lonxe desa loita, mais pasados os meses de inverno recuperouse e xa está a tan só 6 puntos da terceira praza. 

   Os equipos da zona media, LAXE DE RONS e VALPAÇOS TERRA QUENTE, manteñen as posicións quinta e sexta, respectivamente. Haberá que esperar a que as novas incorporacións do equipo de Vigo collan experiencia e despois veremos se lle van aportar os puntos necesarios para alcanzar ao equipo do Grove durante as xornadas da primavera. 

   Na parte baixa, as posicións tamén se manteñen. Así, ARMADIÑA resistiu na posición sete da táboa clasificatoria, aínda que por motivos de Entroido non puido presentar o seu cadro completo de xogadoras e xogadores. ANDARELA mantén a última posición e CASILLEDÍN non presentou competidor algún, pois os puntos que necesitan para evitar a última posición van obtelos na vindeira xornada que organizarán en Barrantes. Están preparando un campo de xogo que se adapta perfectamente ás súas condicións de xogo. 

   Nas últimas xornadas os equipos organizadores están acondicionando as superficies de xogo aos seus intereses, sempre dentro das superficies aceptadas pola LNB, terra, herba, area, cemento e asfalto. Así, ao xeito COPA DAVIS de Tenis, cada equipo local busca un terreo de xogo adecuado ás cualidades dos seus xogadores e xogadoras e que evite potenciar as virtudes dos equipos rivais. 

LUIS RINO, antes de empezar, facendo fochas na superficie de xogo para dificultar o salto das billardas.

Ademais das irregularidades do chan, o equipo RINOCERONTE preparou unha rede de cables por enriba. Así, varios xogadores e xogadoras viron como as súas billardas quedaron freadas por esta trampa de caza aérea. 

O CASO RINOCERONTE

   Nas vísperas da xornada de Cotobade, estoupa o Caso Rinoceronte. Hoxe, sae no Diario de Pontevedra unha entrevista con Che (o arrepentido).

   Unha vez contrastada a información co redactor do Diario de Pontevedra podemos confirmar que as respostas de Che están modificadas por expresa "recomendación" do equipo Rinoceronte. Seguiremos informando, pero podemos adiantar que Che quería destapar toda a estrutura organizativa  do equipo pontevedrés, no que se refire ao tratamento de xogadores e xogadoras con sustancias que melloran o rendemento deportivo. 

   Na foto de abaixo podemos ver os integrantes do equipo nunha viaxe que fixeron a Xamaica o verán pasado. De momento, isto é todo o que podemos dicir. 

10ª XORNADA

CRÓNICA 9ª XORNADA

Añadir leyenda

Despois de sumar os puntos desta xornada as clasificacións quedan deste xeito no seu Top Dez.

A pesar da ausencia de Juanma a esta xornada por mor dos virus invernais, mantense na primeira posición con bastante vantaxe sobre Adriana, aínda que agora todo é posible, pois son 17 ptos os que separan aos dous competidores. Geno mantense na terceira posición, agora a 11 ptos da segunda posición. Martiño tampouco participou en Vilaboa, circunstancia que aproveitou Oscar para quedarse a un só punto de distancia do de Bueu. Ainhoa, que subiu ao podio desta xornada xa está na sexta posición. Hugo xa aparece na novena praza. En definitiva, a loita polo título parece que será cousa de tres, xa que están implicados os tres palanadores en idade infantil máis prometedores da LNB, Juanma (actual Campión Nacional da categoría), Geno e Adriana (semifinalistas no Play Off Nacional). Detrás deles, tanto por idade como por rendemento deportivo, están Martiño e Oscar. O futuro da categoría quedará nas súas mans cando aqueles tres dean o salto á categoría absoluta. Ainhoa tivo unha entrada sobresaínte na LNB, pois nesta súa primeira temporada xa alcanzou a disputarlle puntos a palanadores e palanadoras da categoría absoluta. Outro neno moi novo tamén é Hugo, quen está progresando moito no seu xogo. O futuro está garantido. Estamos falando de nenas e nenos todos menores de 14 anos, e moitos deles menores de 10 anos. Isto é magnífico. 

Bego volveu superar os vinte puntos por terceira xornada consecutiva, o que fai que xa estea 21 ptos por diante da segunda clasificada, Lu.  Esperemos que a loita polo título siga ata a xornada final entre as dúas palanadoras de Bueu que teñen Títulos Nacionais, pois deste xeito tamén se manterá a emoción da incerteza na competición. Para a terceira praza do podio, definitivamente haberá outro duelo de dúas xogadoras de nivel. Elena xa se sitúa a un único punto de distancia de Adriana. Isto significa que entre elas estará a última praza do caixón. As demais palanadoras xa están a máis de 30 ptos. Para participar no Play Off 2017 haberá que esforzarse ata a última xornada, xa que actualmente está o corte en 45 ptos. Salientar nesta xornada a actuación sobranceira de Inés (Gharaboto) que con 16 ptos foi segunda na xornada e agora queda a tan só 7 ptos da zona de Play Off. Polo momento, hai palanadoras de 5 equipos que estarían entre as elexidas para disputarse o Título Nacional.

Como se pode apreciar, o tropezo de Xan na pista de Vilaboa fixo que Ricar, que se levou a xornada, se sitúe a tan só 2 ptos do de Dorrón. O que parecía moi difícil hai un mes, que Ricar superase na clasificación ao de Lúa de Forza, pódese producir na seguinte xornada de Cotobade. A combinación da excelente actuación do de Bueu coa nefasta de Xan fai que a emoción polo título volva ás pistas de billarda das Rías Baixas. Outra loita moi interesante está sucedendo por apoderarse do terceiro chanzo da categoría. Nas últimas tres xornadas houbo cambio de palanador neste lugar, mais sempre entre dous xogadores, Salva e Che. O de Corredoiras conseguiu 22 ptos e sitúase catro puntos por enriba do Rinoceronte Che. Outra disputa interesante é a da 5ª e 6ª praza, entre Fari e Bego. Un punto separa aos compañeiros de Corredoiras. Luís Rino avanzou na clasificación despois da fantástica actuación en Vilaboa e xa se sitúa 7º. O outro Luís de Gharaboto foi penalizado polas características dos espazos cerrados e non foi quen de obter máis ca 7 puntos e cae ata a 8ª posición. Lito tamén notou a dificultade dos espazos reducidos dun pavillón e cae ata a 9ª praza, empatado a puntos con Lu, quen aproveitou a súa precisión no golpeo para rendir moi alto. 

RESULTADOS 9ª XORNADA

PARTICIPACIÓN

TOTAL	83
HOMES	51
MULLERES	32

2º CRIS (RINOCERONTE)          1º RICAR (CORREDOIRAS)       3º DANIEL (RINOCERONTE)

2º GENO (CORREDOIRAS, recolleu Salva) 1ª ADRIANA (VALPAÇOS TERRA QUENTE) 3ª AINHOA (ARMADIÑA)

1ª BEGO (CORREDOIRAS) 2ª INÉS (GHARABOTO, recolleu Luisgón) 3ª ELENA (GHARABOTO, recolleu Antía)

CATEGORIA ABSOLUTA		do EQUIPO
1º	RICAR	CORREDOIRAS	BUEU
2º	CRIS	RINOCERONTE	PONTEVEDRA
3º	DANIEL	RINOCERONTE	PONTEVEDRA
CATEGORÍA FEMININA		do EQUIPO
1º	BEGO	CORREDOIRAS	BUEU
2º	INÉS	CORREDOIRAS	BUEU
3ª	ELENA	GHARABOTO	MARÍN
CATEGORÍA INFANTIL		do EQUIPO
1º	ADRIANA	VALPAÇOS TERRA QUENTE	VIGO
2º	GENO	CORREDOIRAS	BUEU
3º	AINHOA	ARMADIÑA	POIO
	CATEGORÍA EQUIPOS	do EQUIPO
	1º	CORREDOIRAS	BUEU
	2º	RINOCERONTE	PONTEVEDRA
	3º	GHARABOTO	MARÍN

    A xornada novena caracterizouse por superar de novo o número máximo histórico de participantes do sexo feminino. Nada máis e nada menos que 32 mulleres disputaron esta xornada, establecendo outra marca absoluta da LNB. Nunca antes na brillante historia da LNB participaran tantas mulleres nunha xornada de liga. Evidentemente, este deporte é tan atractivo que non para de aumentar o número de persoas que se acercan a probar. Desde o comezo desta temporada, a principios de setembro, non parou de medrar a comunidade billardeira. Así, xa foron 157 persoas as que xogaron durante estas 9 xornadas. 

TOTAL	157
homes	113	72%
mulleres	44	28%

   Un dos retos, desafíos ou obxectivos, como queiramos denominalo, do colectivo LNB é dar a coñecer esta modalidade lúdico-deportiva, facendo que a nosa sociedade saiba que este xogo segue con vida. Outro fin é conseguir que as novas xeracións aprendan a xogar. Despois, se as nenas e os nenos se divirten ben seguro que seguirán xogando e transmitirán este xeito de interacción social como fixeron os que nos precederon na aventura de vivir en Galicia.

   No aspecto competitivo, Corredoiras segue firme e sen rival que ameace a súa supremacía. De 9 xornadas disputadas o equipo de Bueu conseguíu a máxima puntuación en 6 delas. En Vilaboa, superou os 90 ptos, co cal xa se distancia dos segundos en 147 ptos. Gharaboto alcanzou os 65 ptos que é unha cifra boa para eles, pero que se convertiu en excelente, pois coincidiu coa devacle de Lúa de Forza, que non chegou nin aos 40 ptos e foi o penúltimo equipo na xornada. Rinoceronte foi outro dos triunfadores da xornada, xa que os de Pontevedra alcanzaron 83 ptos, e con eles renaceron as posibilidades de loitar pola 3ª praza da Conferencia que dá dereito a participar no Play Off Nacional de finais de maio en Compostela. Laxe de Rons chegou aos 51 ptos e consolida a quinta posición. Valpaços Terra Quente con 44 ptos mantense na súa regularidade de non quedar por debaixo desta decena en cada xornada. Armadiña tamén ganou 44 ptos, o que non lles permitiu acercarse á sexta praza, mais consolida un equipo que vai cara arriba no seu rendemento. Caselledín obtivo 12 ptos e segue penúltimo. 

   

9ª XORNADA

Nº prazas para o PLAY OFF 2017

9ª XORNADA 28 XANEIRO