billardariasbaixas@gmail.com

billardariasbaixas@gmail.com

MATERIAL DESCLASIFICADO POLA LNB

      Quedan 9 etapas do Camiño de Santiago, antes de chegar á Final LNB 2018 do 27 de maio, polo tanto, xogadoras, xogadores e equipos queren mellorar os seus golpes de palán. A área de tecnificación e rendemento deportivo da LNB continúa na vangarda mundial e, agora, quere poñer a disposición de todos e todas certo material desclasificado que axudará, sen dúbida, na evolución do talento billardeiro. Polo momento, só se desclasificou material audiovisual da Conferencia Rías Baixas, pero en breves datas farase o mesmo coas outras Conferencias LNB.




SALVA Corredoiras-Bueu

Magnífico golpeo o de Salva. A súa evolución está sendo excelente e xa está ao nivel dos mellores da LNB. Un candidato firme para o título de Conferencia e para a Final Nacional 2018. Fortaleza: a súa serenidade e madurez nos momentos de máxima tensión. Debilidade: a pouca acumulación de adestramentos.


LUÍS CAMIÑA Gharaboto-Marín

Luís Camiña é o número 9 da Clasificación Histórica da LNB e, polo tanto, un xogador cun golpeo sensacional. Estéticos, coordinados e eficaces os seus golpes de palán alcanzan tal velocidade que fan del un dos grandes golpeadores da LNB. Tal é así que ocupa o posto 4 na Clasificación Histórica de Varados con 80 e foi Campión Nacional nesta categoría no 2015. Fortaleza: a súa potencia de golpeo. Debilidade: momentos de contrariedade non resoltos.


ELENA GONZÁLEZ Gharaboto-Marín

Elena Glez ten un golpeo de pouco alcance, pero seguro. Desde o seu comezo na LNB (2012),  clasificacouse todas as temporadas para a Final Nacional na Categoría Feminina. Fortaleza: o seu golpe en superficies duras e de interior. Debilidade: porcentaxe elevado de erro no impacto da billarda no aire.



PAPI Armadiña-Poio


Papi é un dos talentos celestes que irrumpiu a temporada pasada. Unicamente a súa discontinuidade na participación fai que estea lonxe das prazas de Finalista. Fortaleza: un golpe devastador. Debilidade: porcentaxe elevado de erros no impacto da billarda no aire. 



ADRIANA Valpaços Terra Quente-Vigo

Adriana é talento puro. Esta xogadora que comezou a competir con 9 anos continúa progresando e o seu nivel na categoría infantil e feminina está fóra de toda dúbida. Xa ten un Título Nacional na categoría infantil e este ano volverá a estar entre as candidatas na categoría feminina. Fortaleza: porcentaxe moi elevado de acerto no golpeo da billarda. Debilidade: a técnica de armado do brazo.

MARTÍN Laxe de Rons-O Grove

Martín volve a estar entre os clasificados para a Final Nacional. Continúa coa súa progresión iniciada a temporada pasada, primeira na que se clasificou para acudir a Compostela. Fortaleza: perseverante e coidadoso na súa técnica. Debilidade: falta de eficacia nos golpes a pouca distancia.

RIAL Armadiña-Poio

Rial é outro produto da lexión celeste de Poio e este ano empeñouse en conseguir representar, por vez primeira, a Armadiña na Final Nacional 2018, xa que o ano pasado ningún dos seus xogadores ou xogadoras adultos foi quen de facelo. Fortaleza: insistencia e capacidade de corrección. Debilidade: agarrotamento nos momentos de tensión competitiva.


LU Lúa de Forza-Sanxenxo

Lu é unha das grandes palanadoras da LNB, só por detrás da incrible Geni de Billardeiros Musicais, na Clasificación Histórica Feminina LNB. Fortaleza: técnica interiorizada e eficaz golpeo. Debilidade: pouca potencia no golpeo.






XORNADA 10







         Sen ningunha dúbida, a xornada de Vigo demostra que a participación da muller nesta competición deportiva está conseguindo que a billarda faga honor ao seu xénero gramatical e sexa territorio feminino. Houbo 38 mulleres xogando na pista de Teis, algo sensacional e nunca antes visto no territorio LNB. A media de participación nestas primeiras 10 xornadas está en 31 xogadoras. 
10ª
33 24 29 33 31 29 26 32 32 38

       Pola súa beira, a participación na categoría infantil foi de 18 nen@s. Outro dos alicerces sobre os que se está construíndo o futuro da Billarda é a transmisión deste marabilloso xogo a nenas e nenos nacidos no século XXI. Na xornada de Teis, Hugo, de Corredoiras, quen aprendeu a xogar da man de Salva e, aínda non tivera ocasión de participar nunha xornada de liga, foi elixido neno da xornada pola estética do seu golpeo. Contemplade senón a foto de abaixo.
HUGO Corredoiras-Bueu


AINHOA Armadiña-Poio

ANA Gharaboto-Marín

BEGO Corredoiras-Bueu

INÉS Gharaboto-Marín

PURI Valpaços Terra Quente-Vigo

YUDANI Corredoiras-Bueu

YOLI Valpaços Terra Quente


TANIA Valpaços Terra Quente

ROSANA Armadiña-Poio

ÁNGEL ESPERÓN Lúa de Forza-Sanxenxo

ALEXIS Armadiña-Poio

       Evidentemente, para que estas nenas e nenos poidan xogar á billarda na LNB teñen que contar coa colaboración das persoas que viven con eles e teñen máis idade, por norma xeral. Estas persoas deben adquirir o compromiso de acompañalos a cada xornada de liga, chova, haxa frío ou vaia vento. En definitiva, pais, nais, avós, avoas, grazas por contribuír a recuperar parte da nosa cultura deportiva e ofrecerlla ás novas xeracións.