Para axilizar o proceso de inscrición e sorteo, na próxima xornada 24 novembro, os equipos enviarán a lista dos seus integrantes a este enderezo ecobateas@gmail.com ata o venres ás 14 horas. Despois desta hora e antes das 15:30 do sábado 24 novembro, deberán enviar unha mensaxe ou facer unha chamada a este número de teléfono 659 553 543. Grazas pola vosa colaboración. Haber se deste xeito conseguimos empezar puntuais.
E QUE DE NÓS NON QUEDE MÁIS QUE A ALEGRÍA DE QUEN PEDIU XOGAR E FOILLELO CONCEDIDO
6ª XORNADA
O día 24 novembro ás 16 horas disputaremos a 6ª xornada. Xogaremos no Pavillón de A FLORIDA (Sanxenxo). Xa temos comprobado que hai iluminación, tamén que hai conmutadores de acendido e apagado, e que a persoa encargada do pavillón ten acceso a eles. Comprobamos, por outra beira, que se está ao corrente de pago das facturas. Entón, todo parece indicar que poderemos utilizar iluminación eléctrica. Agora, xa só queda facelo, unha vez que esteamos alí.
Entre outras ensinanzas que nos deixou a 5ª xornada está a de que o ser humano ten a capacidade de facer as cousas de xeito diferente a como as fixo a última vez, se esta última vez foi dun xeito inadecuado.
Segue a progresión de participantes na CONRIA. Algo polo que debemos alegrarnos. Salientar a participación de CASILLEDÍN (Barrantes-Ribadumia), que nesta última xornada presentou unha aliñación con 22 integrantes. Unha cifra que non está ao alcance de ningún equipo da LNB, a día de hoxe. E tamén, queremos facer mención ao equipo de billarda TOXO VERDE (Cadiz), que aparece na imaxe de abaixo, que nos visitou para competir e compartir a súa graza galego-andaluza.
TOXO VERDE (CADIZ)
En definitiva, grazas. Grazas, porque con persoas coma vós podemos reunirnos as tardes dos sábados, e disfrutar con outro xeito de facer deporte.
5ª XORNADA
Dicir que a 5ª xornada foi un éxito de participación, 74 persoas. O maior número de participantes nunha xornada na curta historia da nosa conferencia.
Tamén, pedir disculpas a todas e a todos por non ter luz eléctrica no pavillón. Por un erro de organización non tiñamos chave do cuarto de conmutadores, polo tanto, non poidemos acceder ao acendido da iluminación. Isto provocou que o grupo que disputaban os postos do 1 ao 24 non poidese rematar (na próxima xornada, 6ª, decidiremos como e cando se rematan eses postos). Todos os demais grupos remataron as súas carreiras.
PARTICIPACIÓN
74
MULLERES
23
HOMES
51
Visualizar o mapa ampliado
Utilizaremos o pavillón do COLEXIO ABRENTE (aparece sinalizado no mapa adxunto)
POR FAVOR, PUNTUALIDADE. Se a hora de comezo é as 16h., pois estaría ben chegar antes desa hora, xa que hai que facer a inscrición e o sorteo, o cal leva 15 minutos.
A boa entendedora, e a bo entendedor...
Sería adecuado e incluso magnífico, chegar como moi tarde ás 15:45 ao campo de xogo.
Veremos!
5ª XORNADA
O próximo sábado 10 novembro, ás 16 horas disputarase a 5ª xornada da CONFERENCIA RÍAS BAIXAS. Será na Adina, na pista ao lado da CASA DA CULTURA.
No caso de que chova, utilizaremos un pavillón (avisaremos ao final da semana que pavillón será).
4ª XORNADA
PARTICIPACIÓN
51
MULLERES
19
HOMES
32
Xa xogaron na CONFERENCIA RÍAS BAIXAS 112 persoas, das cales 81 homes e 31 mulleres. Son uns datos fabulosos. Levamos 4 xornadas e de momento a asistencia media é de 56 persoas.
BRAIS (Corredoiras)
IVÁN CASAL e JUANMA (Salnés)
YUDANI (Corredoiras)
UXÍA (Casilledín)
Por outra beira, en poucos deportes podemos ver competir a persoas de xeracións diferentes como sucede na billarda.
MANUEL FARIÑA (Casilledín)
BRIÓN (Corredoiras) e JUANMA (Salnés)
Ademais, dos xa comprometidos coa difusión deste deporte, debemos alegrarnos de que outras persoas entren en contacto coa billarda. Algunhas destas fotos dan testemuña de que detrás dos números están persoas, e sobre todo un sentimento de confraternidade e alegría de estar vivos e de facelo nesta terra maravillosa.
Fernando Serantes (Casilledín)
Pacucha (Corredoiras)
Os resultados están actualizados
1º-ALBINO
2º-FARIÑA
3º-LUÍS CAMIÑA
4º-CRISTIAN
5º-XAN
6º-OUTEIRO
7º-BALEA
8º-MANOLO ABUÍN
9º-MANUEL FARIÑA
10º-LUÍS GONZALEZ
11º-CHICHO
12º-BRIÓN
LUÍS CAMIÑA-ALBINO-FARIÑA
ELENA-CHEFA-LU
IVÁN CASAL-JUANMA-YUDANI
CASELLEDÍN 2012-2013
(Barrantes)
Pablo-M. Abuín-Nela-Maite-Triki-Vanesa-Tere
Andrea-Carmelo-Serantes-Uxía-Casilda-M. Fariña
(faltan Montero e Ruso, que chegaron despois de sacar a foto) ou sexa presentaron na súa aliñación 14 xogadores/as.
4ª XORNADA
3ª XORNADA DE LIGA
PARTICIPACIÓN 52
16 MULLERES
36 HOMES
1º-LUÍS CAMIÑA
2º-MANOLO OUTEIRO
3º-LUÍS GONZÁLEZ
4º-XAN RODIÑO
5º-BENITO
6º-IVÁN PUENTE
7º-CAROLO
8º-ELENA
9º-ALBINO VEIGA
NOVIDADE MUNDIAL NO DEPORTE DA BILLARDA
Por vez primeira no universo coñecido unha escola deportiva municipal oferta a billarda entre as súas actividades deportivas anuais.
Esta noticia ten unha enorme carga emocional para tantos antepasados nosos, vivos algúns e moitos mortos. Bisavós e tataravós, bisavoas e tataravoas que xogaban mentres as vacas pacían, mentres as labores do campo esperaban para muscular os seus corpos e gastar as súas mans. Parecía que se ía perder este xogo ante o empuxe doutros xeitos de divertirse. Mais unha aldea irreductible chamada LNB superou o perigo da desaparición do xogo da billarda e adoptando un sistema de competición e unhas normas modernas conseguiu que renacera.
Entón, esta noticia fíxome sentir unha gran ledicia, seguida dun fondo agradecemento a todos e todas os que en algún momento contribuíron coa súa dedicación á divulgar a billarda. Desde aquel 2003 en que foi xestada a idea da LNB, aló por terras da Mariña, ata o 2012 en que por fin se dá un paso fundamental para convertir definitivamente un xogo tradicional, xa practicado na Idade Media, nunha actividade deportiva. Temos novas de que este primeiro paso será dado tamén polo Concello de Ribadeo, outro dos referentes mundiais da Billarda.
www.sanxenxo.es
O Concello (Sanxenxo) sigue apostando por completar a formación do ámbito deportivo entre os máis pequenos
18.09.2012
A Concellería de Servizos Sociais, Deportes e Xuventude vai por en marcha un ano máis o programa das ...
escolas deportivas municipais para o curso 2012/2013.Según declarou Isabel González, concelleira responsable desta área, trátase de “ofrecer a oportunidade de fomentar entre os máis pequenos hábitos de vida saudable a través da práctica deportiva”. Estos son os obxetivos fundamentais das Escuelas Municipais para este curso.
Os alumnos dos centros escolares do concello e os nenos empadroados que estén matriculados en centros alleos a Sanxenxo, poderán optar a participar nunha ampla oferta de deportiva, que inclúe deportes individuais e colectivos e actividades no medio acuático como gran reclamo para a práctica deportiva nas nosas costas.
As actividades están dirixidas a nenos de educación infantil, educación primaria e educación secundaria obrigatoria, de todos os centros escolares.
A oferta para este ano inclúe, Aquagame, Baloncesto, Educación física de base, Fútbol sala, Natación, Piraguismo, Predeporte e Multideporte, Salvamento, Surf Bodyboard, Taekwondo, Tenis e Voleibol.
A novidade de este ano
foi a de incluir a Billarda, un deporte tradicional galego que está en
auxe, e do cal existe unha liga das Rías Baixas.
O comezo das
actividades será o luns 15 de outubro e a difusión da oferta farase a
través dos centros escolares e na web do concello.
Subscribirse a:
Comentarios (Atom)