billardariasbaixas@gmail.com

billardariasbaixas@gmail.com

12 XORNADA MOURENTE crónica día 5


   Juanma segue dominando a categoría e nesta xornada incluso optou a ganar a xornada na Categoría Absoluta (quedou 3º). Adriana segue firme nas súas intencións de asegurarse a segunda praza do podio. Geno tivo unha boa actuación e recortoulle 5 puntos á xogadora de Vigo. Agora queda a 19 puntos de distancia. Van ter unha fermosa pugna ata o final. Esta sería a zona noble da clasificación á cal non poderán acercarse, polo menos esta temporada, os máis cativos da categoría, como son Oscar e Martiño. Porén, lembrádevos ben destes dous nomes, pois son os destinados a dominar a categoría cando os de catorce anos pasen aos 15. Ainhoa tamén ten capacidades para acercarse a estas dúas promesas da LNB, e ben seguro que o fará nas vindeiras temporadas. Por detrás destes 6 palanadores/as veñen nenas e nenos que pola súa idade aínda non teñen as destrezas suficientes para estar ao nivel dos anteriores. O tempo e o crecemento natural farán que en breve, Yaiza, Hugo, Andrés, Martín Davila, María Caldas, Nerea, Ares, Dani, Xulia, Cintia e compañía poidan deixar escritos os seus nomes nas estatísticas historias da LNB.





JUANMA - LÚA DE FORZA





ADRIANA - VALPAÇOS TERRA QUENTE





GENO - CORREDOIRAS




OSCAR - ARMADIÑA

MARTIÑO - CORREDOIRAS




AINHOA - ARMADIÑA


HUGO - GHARABOTO




ARES - ICIA - ANDARELA XULIA - ARMADIÑA

DANI - ARMADIÑA

MARTÍN DAVILA - ARMADIÑA


MARÍA CALDAS - ARMADIÑA

NEREA - ARMADIÑA

YAIZA - VALPAÇOS TERRA QUENTE


12 XORNADA MOURENTE CRÓNICA día 3

   O regreso de Chefa aos campos de billarda trouxo a súa vitoria na categoría feminina. Pódese considerar sorpresa debido á súa inactividade. Desde decembro de 2016, na xornada de Bueu, non competía na Liga. Pero tampouco pode considerarse de inesperada, pois sempre que compite a galega de adopción é unha das posibles ganadoras debido ao seu talento para golpear billardas. Suliñar a mala actuación de Casilda e Vanessa que non conseguiron entrar ningunha vez no varal. Hai que considerar que as de Gharaboto tiveron grupos de moito nivel de competidores e competidoras. Tanto Bego como Lu estiveron na decena de puntos o que fai que a distancia entre as dúas se manteña e xa só faltan 4 xornadas. Todo parece indicar que a actual Campioa de Conferencia vai revalidar o título.
   








   A carreira para subir ao último chanzo do podio entre Elena Adriana mantense desde a 6ª xornada na que Elena lle recortou 15 puntos. Desde aquela, a pugna é magnífica entre as dúas palanadoras. Nas últimas 4 xornadas a da Adina sumou 45 puntos, fronte aos 40 da rapaza de Vigo. 
   Tania ten potencial para subir ao podio, mais o faltar a 4 xornadas fai que estea remando  moi forte nas últimas xornadas para acercarse a el, e xa está a 26 puntos do terceiro posto. Será posible que a de Valpaços logre tal proeza? Verémolo e contarémolo. Belmira está nunha sexta cómoda posición cerrando o trío de palanadoras da Terra Quente. A partir da sétima posición que ocupa Casilda empeza o realmente interesante, no que ten que ver coa clasificación para o PLAY OFF 2017.
   Hai 10 puntos de distancia entre o posto 13, que non daría dereito a representar á Conferencia Rías Baixas na categoría feminina, e o posto que ocupa a de Ribadumia. Así, de momento están dentro das prazas PLAY OFF Casilda, VanessaMargaChefaMónica Inés, e veñen por detrás con entusiasmo e acerto, LitaMarisaAnaCheliPatri Zaira
   Salientar a progresión de Zaira nas dúas últimas xornadas, pois conseguiu 21 puntos entre as dúas e só estiveron mellor ca ela Tania e Bego, dúas Top Cinco. Dada a súa xuventude e condicións atléticas aventuramos que será unha das palanadores que nas vindeiras xornadas e temporadas estará loitando coas máis grandes da nosa Conferencia. Máis aínda, non descartamos que os 17 puntos que a separan dos postos de PLAY OFF sexan un desafío que poida superar.















34 MULLERES participaron na 12 xornada, 
mellor marca histórica da LNB

ALICIA- Valpaços Terra Quente


BEGO- Corredoiras

CASILDA- Gharaboto

CHEFA- Corredoiras


ELENA- Gharaboto


IRENE- Valpaços Terra Quente

LAU- Armadiña


MAIA- APB Santa Marta

MARGA- Gharaboto

MERCE- Armadiña

MERCHE- APB Santa Marta

NOE- Casilledín

PATRI- Casilledín

TANIA- Valpaços Terra Quente


ZAIRA- Valpaços Terra Quente


ANA- Gharaboto

CHELI- Gharaboto

INÉS- Gharaboto

LU- Corredoiras

VANESSA- Gharaboto

XORNADA 12 MOURENTE CRÓNICA día 2

   Na categoría absoluta os candidatos ao título tiveron un comportamento dual, mentres os dous primeiros estiveron cerca de conseguir os 30 ptos (lembramos que a máxima puntuación que se pode conseguir nunha xornada son  31 puntos e ninguén foi quen de conseguir esa cifra nesta temporada) os outros dous apenas alcanzaron os 15 puntos. Do Top Dez, destacar a actuación de Charri, o "Mauricio Colmenero" da LNB, que estivo en número de monstro (23 puntos). Deste xeito, conseguíu volver ao lugar que lle corresponde, despois dunha inoportuna lesión que lle impediu xogar a xornada 10. Hai sospeitas que esa lesión foi provocada por algún xogador do seu propio equipo. Outra actuación destacada, neste caso por desastrosa foi a de Luís Rino, pois tan só fixo 6 puntos, cousa impropia dun Top Dez. 





 






Deste xeito, Ricar e Xan están distanciados por 12 puntos. O palanador de Bueu a pesar de ganar a xornada, non conseguiu acurtar a distancia que o separa do primeiro clasificado e actual Campión de Conferencia, Xan "O nabizas". Na terceira posición si se produciu o sorpaso e Salva volve á posición de podio. El e máis Che están alternando esta posición desde hai 4 xornadas. Parece que hai unha separación demasiado grande como para pensar que poderían ameazar aos dous monstros da categoría. O seu xeito de comportamento nas últimas xornadas poderiamos chamalo "facer a goma", xa que unha xornada acércanse e outra afastanse dos dous Sacauntos da competición.
   Do resto de integrantes do Top Dez salientar a progresión lenta pero segura de Luís Camiña "O Apalpador". O de Marín faltou a dúas xornadas, mais promediando 19 puntos nas últimas 4 xornadas xa se encontra axexando o 5º posto. Bego, Lito e Fari son habituais destes postos de honor.










    Os seguintes postos son os da zona tranquila da clasificación, pois están lonxe do podio e lonxe do corte do PLAY OFF. De todos os xeitos, moitos destes xogadores deberían loitar por entrar no Top Dez. Non podemos esquecer que neste grupo de 10 xogadores/as hai ganadores dalgunha xornada de Conferencia. Así, tanto Álvaro, Salgue, Luís Gon, Juanma, Manolo Fariña e Luís están capacitados para subir na clasificación. 










    Xa entramos en zona de perigo e zona de ilusión. De momento son 134 puntos os que sinalan o límite para entrar en Play Off. Daniel, o xogador de Rinoceronte, ocupa este lugar. A 10 puntos está Carolo e a 5 puntos Martín. Nestes xogadores e xogadoras estarán os maiores riscos cardiovasculares. Daquela, para a xornada de Poio teremos un desfibrilador no terreo de xogo para evitar desgustos coronarios.



   Cada xornada hai unha actuación destacada e inesperada, no primeiro caso pola enorme cantidade de puntos conseguidos e no segundo pola persoa que os consegue. Nesta ocasión foi PEKE de Armadiña que alcanzou 21 puntos e chegou a semifinais. Xa ocupa o posto 36. Tendo en conta que xogou 7 das 12 xornadas podemos afirmar que hai un enorme potencial no Manuel pequeno. Seica está preparándose minuciosamente para asaltar os ceos do podio na vindeira xornada de Poio. Dieta rica en omega31ptos, descanso en cámara hiperbárica, 4 rezos diarios dirección ao PLAY OFF e revisión de material audiovisual da LNB. 




XORNADA 12 MOURENTE CRÓNICA día 1

PARTICIPACIÓN 
91

MULLERES 34
HOMES      57

    Outra vez se estableceu unha nova marca absoluta de participación feminina a nivel LNB. 35 mulleres xogaron o sábado nas Pistas Polideportivas que o Mercantil de Pontevedra ten en Mourente. Xa é imparable a revolución feminina. Salientar por enriba dos demais equipos a Valpaços Terra Quente de Vigo que xogou con 5 homes e 10 mulleres. A marea morada xa tingue coas súas cores as fotos LNB. Mirade a foto de arriba, que cor é a máis numerosa?
    Se o equipo vigués é o referente feminino da LNB, Armadiña de Poio éo da categoría infantil, pois presentou 7 xogadores/as en idade infantil.  Ningún outro equipo en toda a LNB ten este potencial de futuro. 







  Aquí temos a foto das xogadoras e dos xogadores que ocuparon os podios das distintas categorías.
  


CATEGORIA ABSOLUTAdo EQUIPO
RICARCORREDOIRASBUEU
XANLÚA DE FORZASANXENXO
JUANMALÚA DE FORZASANXENXO
CATEGORÍA FEMININAdo EQUIPO
CHEFACORREDOIRASBUEU
BELMIRAVALPAÇOS TERRA QUENTEVIGO
MARGAGHARABOTOMARÍN
CATEGORÍA INFANTILdo EQUIPO
GENOCORREDOIRASBUEU
MARTIÑOCORREDOIRASBUEU
ADRIANAVALPAÇOS TERRA QUENTEVIGO
CATEGORÍA EQUIPOSdo EQUIPO
LÚA DE FORZASANXENXO
CORREDOIRASBUEU
GHARABOTOMARÍN





   

   As previsións meteorolóxicas durante a semana previa indicaban a tendencia de tempo chuvioso, mais o sábado as nubes que sobrevoaron Mourente non se atreveron a deixar caer auga sobre o terreo terruño-herboso do campo de billarda. Daquela, todo parecía prever que o equipo RINOCERONTE tería unha boa ocasión para acceder á terceira posición do podio. Hai veces que a nosa imaxinación non é quen de deseñar o futuro. Deste xeito, o equipo de Pontevedra levou un batacazo importante, xa que só conseguiu 40 puntos. Ademais, coincidiu coa boa actuación dos equipos que están diante na clasificación. Tanto GHARABOTO como LÚA DE FORZA, superaron os 70 puntos e xa se distancian demasiado, quizáis. Os outros equipos estiveron nos seus números. CORREDOIRAS dominou de novo a xornada. O equipo de Bueu non ten outro obxectivo que chegar no mellor momento de forma ao PLAY OFF 2017 para conseguir un título que se lle escapou o ano pasado por un punto.
   LAXE DE RONS e ARMADIÑA superaron os 40 puntos e seguen nunha boa liña de actuacións. VALPAÇOS TERRA QUENTE estivo algo por debaixo das súas prestacións. Acaso a ausencia de Taxeiro (está de baixa e aproveitou para facer de asesor técnico) tivo un efecto negativo no rendemento de xogadoras e xogadores?, ou sería que as súas instrucións desde a banda non foron as adecuadas? CASELLEDÍN presentou a 5 competidores cousa que non sucedía desde comezos de temporada e notouse, pois estivo cerca de conseguir 20 puntos. ANDARELA non chegou aos 10 puntos con 3 xogadores.


   A falta das 4 xornadas de primavera a clasificación segue centrada na última praza de PLAY OFF. Esta xornada foi moi boa para LÚA DE FORZA e GHARABOTO e moi mala para RINOCERONTE. Non podemos afirmar que este tropezo do equipo pontevedrés sexa definitivo, mais de seguro que vai afectar á súa confianza. Son 50 puntos os que separan aos Rino do seu obxectivo. Son moitos, non obstante o equipo ten capacidade para remontar. O Título xa leva sentenciado moitas xornadas, pois CORREDOIRAS non se aburre de ganar. 
   Nos postos 5º e 6º estanse consolidando LAXE DE RONS e VALPAÇOS TERRA QUENTE. A distancia e demasiado importante como para pensar que o equipo do Grove poida deixar escapar esa posición. ARMADIÑA afianza a súa 7ª posición. Están intensificando os adestramentos para  conseguir podio na vindeira xornada que se xogará en Poio. É un desafío que poden enfrontar con optimismo, xa que contan coa súa progresión e co efecto Preamar da Reibóa que xoga ao seu favor.
   A última posición estase aclarando se non o estaba xa. O equipo de Barrantes, CASILLEDÍN, quere por todos os medios non ser o pechacancelas e estase reforzando na recta final de temporada. Evidentemente e de xeito incuestionable, quen seguirá unha semana máis no fondo da táboa será ANDARELA. Aínda que sempre poderá poñer patas abaixo a clasificación e ver as cousas doutro xeito. 






Facemos público probas fotográficas que evidencian os comportamentos raros, peculiares ou idiosincráticos de xogadores do equipo do Lérez que poden levalos a ser sancionados coa pérdida dos puntos da xornada. Ao mesmo tempo, ábreselle expediente informativo a Luís Camiña (posible cómplice das actuacións dos RINO). O comité de sabias e sabios da LNB está analizando as fotos e abre un período de 15 días para que o equipo RINO poida presentar alegacións.

T