CRÓNICA da xornada 4 da ZOCA e do mercado de fichaxes

RICOY

MANOLITO

     Como sucedera na xornada anterior o equipo local foi o triunfador da 4ª xornada da Liga de Verán 2017. Así, Lúa de Forza pasou por enriba de todos os equipos cunha cifra inusual para este equipo, 91 ptos. Só Gharaboto estivo á altura do equipo de Sanxenxo con 81 ptos. Valpaços alcanzou os 53 ptos e os outros non alcanzaron os 50 ptos. Corredoiras, o gran favorito en calquera competición que participe, presentou de novo o equipo B. Está claro que van ter difícil conquistar esta primeira Liga de Verán, pero aínda están en números de optar ao título. Será un reto difícil, mais non imposible para o equipo de Bueu. Rinoceronte segue loitando con só dous xogadores, os cales andan en 20 ptos por xornada e permítelle estar quinto. Sexto está o equipo do Grove, Laxe de Rons. 

      

	Equipo			Total	1	2	3	4
1	GHARABOTO	MARÍN	GHA	296	56	76	83	81
2	LÚA DE FORZA	SANXENXO	LÚA	258	51	63	53	91
3	CORREDOIRAS	BUEU	COR	230	68	84	34	44
4	VALPAÇOS TERRA QUENTE	VIGO	VAL	227	36	76	62	53
5	RINOCERONTE	PONTEVEDRA	RIN	169	55	37	35	42
6	LAXE DE RONS	O GROVE	LAX	117	23	29	32	33
7	ARMADIÑA	POIO	ARM	91	52		39
8	ANDARELA	MEAÑO	AND	32	9	8	7	8

       Na clasificación individual houbo modificacións importantes nos tres primeiros postos, xa que, Luís Camiña conseguiu 11 ptos, mentres que todos os que estaban perseguíndoo na clasificación obtiveron máis de 20 ptos. Agora, é Xan quen encabeza a clasificación, seguido de Daniel a 9 ptos e Luís Camiña a 10 ptos. Por detrás deles xa veñen golpeando forte Manolo Fariña e Juanma.

      Chegados ao ecuador da competición, pensamos que a Zoca de Verán irá para o pé dalgún dos cinco primeiros clasificados, pois o sexto xa está a unha distancia de 27 ptos. De todos os xeitos, na billarda nunca se pode estar seguro dos prognósticos. 

	ABSOLUTA	EQU	TOT	1	2	3	4
1	XAN	LÚA	89	19	20	20	30
2	DANIEL	RIN	80	24	22	14	20
3	LUÍS CAMIÑA	GHA	79	19	22	27	11
4	MANOLO FARIÑA	GHA	75	17	17	16	25
5	JUANMA INF	LÚA	71	20	17	11	23
6	OUTEIRO	COR	62	13	20	18	11
7	ÁLVARO PAI	GHA	61	9	20	18	14
8	CHE	RIN	60	23	15		22
9	LUISGON	GHA	57	7	17	11	22
10	ALFONSO	VAL	56	15	15	6	20
11	BEGO	COR	52	19	22	11
12	ÁLVARO	GHA	50	11		19	20
13	TAXEIRO	VAL	48	7	11	20	10
14	MANOLITO	LÚA	44		20	18	6
15	TANIA	VAL	41		23	18
16	RICARDO LOIS	LAX	41		17	13	11
17	RICAR	COR	40	19	21
18	CHEFA	COR	37	4	8	5	20
19	LUÍS PIRUCHA	GHA	37	6	12	8	11
20	ADRIANA INF	VAL	35	6	4	13	12
21	GELÍN	GHA	33			19	14
22	CAROLO		33	11	6	7	9
23	ÁNGEL	AND	30	9	8	7	6
24	CRIS	RIN	28	7		21
25	SALGUE	VAL	27		27
26	PEKE	ARM	27	11		16
27	BELMIRA	VAL	24	2	1	10	11
28	ALBINO VEIGA		24				24
29	SANTIAGO	VAL	23	8	4	11
30	PAPILLA	ARM	22	22

PACO VIDAL

CASILDA

EVA MARÍA

TAXEIRO

MÓNICA

       Realmente, o máis salientable desta cuarta xornada da Zoca de Verán está nos movementos que se están producindo no mercado de fichaxes. Desta maneira, o equipo Lúa de Forza está facendo un esforzo supremo para reforzar o seu cadro de xogadores. Temos imaxes dos posibles reforzos do equipo de Sanxenxo. Ademais, indicáronnos desde o gabinete de prensa dos verdes que " se ao mesmo tempo podemos debilitar outros equipos, pois... mellor!". Tamén tivemos acceso ás cifras das fichaxes, varias delas a través da cláusula de rescisión. 

       Estes movementos poden producir o efecto dominó, ou sexa, que estes equipos, coa inxección económica que reciben, intenten fichar a outros xogadores e xogadoras. Veremos o que sucede nas próximas horas, semanas e días. 

ALFONSO (Cláusula de rescisión: 90 euros)

LUÍSGON (Cláusula de rescisión: 120 euros) 

CAROLO (Finalización de contrato: sen custo económico)

CHARRI (Cláusula de formación: 75 euros)

4ª xornada da LIGA DE VERÁN 2017

3ª xornada ZOCA DE VERÁN RESULTADOS

       A tarde foi canicular, ou sexa, no cemento do parque Eguren fritíanse os pés, na circunstancia de que alguén os levara descalzos. Non foi o caso. O que si quedou demostrado é que o equipo organizador, Gharaboto, encargouse de que os seus xogadores e xogadoras estiveran concentrados desde a mañá en Marín. Comeron xuntos e repasaron a estratexia a seguir. Os resultados non dan lugar a interpretacións mal intencionadas. O equipo de Marín paseouse sobre o parque Eguren. Así, despois desta 4ª xornada da Liga de Verán, Gharaboto encabeza a categoría de equipos e tamén sitúa na primeira posición individual ao seu capitán de máquinas, Luís Camiña.

       A xornada foi ganada por Luís Camiña, seguido de Álvaro Pai, repetindo a final da xornada anterior de Pontevedra, só que nesta ocasión o de Marín aproveitou o seu coñecemento do terreo de xogo para levarse a vitoria. En terceira posición quedou un espectacular Cris, que dou uns golpes incribles e irrepetibles, ou case irrepetibles. Por exemplo, fixo un varado utilizando dous golpes, o primeiro para desprazar a billara uns catro metros, o segundo para golpeala en carreira e que atravesara o varal de xeito fulminante.

1	LUÍS CAMIÑA	GHA
2	ÁLVARO PAI	GHA
3	CRIS	RIN

       Deste xeito queda a clasificación individual despois de tres xornadas. Xa se empeza a estirar a clasificación. Hai 28 puntos de distancia entre o primeiro e o décimo. Isto significa que empezamos a diferenciar o grupo dos que seguen con opcións de conseguir o primeiro Título da Liga de Verán e aquelas persoas que optan a triunfos parciais de xornada. De todos os xeitos, agora imos ter dúas xornadas consecutivas en terra, o cal vai traer unha maior esixencia para palanadores e palanadoras.

	ABSOLUTA	EQU	TOT	1	2	3
1	LUÍS CAMIÑA	GHA	68	19	22	27
2	DANIEL	RIN	60	24	22	14
3	XAN	LÚA	59	19	20	20
4	BEGO	COR	52	19	22	11
5	OUTEIRO	COR	51	13	20	18
6	MANOLO FARIÑA	GHA	50	17	17	16
7	JUANMA INF	LÚA	48	20	17	11
8	ÁLVARO PAI	GHA	47	9	20	18
9	TANIA	VAL	41		23	18
10	RICAR	COR	40	19	21
11	CHE	RIN	38	23	15
12	MANOLITO	LÚA	38		20	18
13	TAXEIRO	VAL	38	7	11	20
14	ALFONSO	VAL	36	15	15	6
15	LUISGON	GHA	35	7	17	11
16	ÁLVARO	GHA	30	11		19
17	RICARDO LOIS	LAX	30		17	13
18	CRIS	RIN	28	7		21
19	SALGUE	VAL	27		27
20	PEKE	ARM	27	11		16
21	LUÍS PIRUCHA	GHA	26	6	12	8
22	CAROLO		24	11	6	7
23	ÁNGEL	AND	24	9	8	7
24	SANTIAGO	VAL	23	8	4	11
25	ADRIANA INF	VAL	23	6	4	13
26	PAPILLA	ARM	22	22
27	LITO	COR	22	1	21
28	GELÍN	GHA	19			19
29	CASILDA	GHA	17	1	1	15
30	MARTÍN	LAX	17		2	15

     

              Por equipos, Gharaboto aproveitou que Corredoiras só competiu con 3 xogadores para pasarlle na clasificación de xeito folgado. Outro salto importante foi o de Valpaços, que agora ocupa a terceira posición. Lúa de Forza e Rinoceronte están fóra do podio. Isto, prepara unhas xornadas moi interesantes, pois os de Bueu van ter que remontar 39 puntos nas xornadas que veñen. O equipo de Vigo vai ter que defender ese posto de podio ante o ataque de Lúa de Forza, xa que se disputaran dúas xornadas en territorio do equipo de Sanxenxo. En definitiva, de novo van loitar os dous lados da Ría de Pontevedra, con permiso da Ría de Vigo. 

	Equipo			Total	1	2	3
1	GHARABOTO	MARÍN	GHA	215	56	76	83
2	CORREDOIRAS	BUEU	COR	186	68	84	34
3	VALPAÇOS TERRA QUENTE	VIGO	VAL	174	36	76	62
4	LÚA DE FORZA	SANXENXO	LÚA	167	51	63	53
5	RINOCERONTE	PONTEVEDRA	RIN	127	55	37	35
6	ARMADIÑA	POIO	ARM	91	52		39
7	LAXE DE RONS	O GROVE	LAX	84	23	29	32
8	ANDARELA	MEAÑO	AND	24	9	8	7

Ricardo Lois

Casilda

Manolo Outeiro

Mónica Moreira

Adriana

LIGA DE VERÁN 3ª XORNADA MARÍN

       Despois da participación da LNB no Festival Internacional de Pandolo en Slovenija, volve a competición local coa terceira xornada da LIGA DE VERÁN 2017. Será en Marín. Durante a xornada farase unha demostración da modalidade chamada TZURCA orixinaria de Romanía, utilizarase o material auténtico do país dos Cárpatos, obsequio do equipo romanés ao equipo da Auténtica Galega da LNB.

As condicións nas que xogan á Tzurca os romaneses son similares ás que se dan na Terra Chá, polo tanto, pode ser un deporte ao que se adapten ben os equipos LNB chairegos.