ANÁLISE 5ª XORNADA

CATEGORÍA FEMININA

   Nesta xornada da Illa de Arousa participaron 26 mulleres o que supuxo o maior número de féminas desde o comezo de temporada. As dificultades do terreo de xogo non impediron que 4 destas xogadoras pasaran dos 10 ptos. Se temos en conta que na xornada anterior disputada en pavillón só 3 alcanzaran esta cifra, podemos concluír que o nivel das competidoras é tal que en calquera terreo que teñan que xogar rinden a grande altura.

   

  

Adriana de Valpaços Terra Quente ten un futuro espléndido na LNB. En idade infantil xa compite de ti a ti coas campioas nacionais Lu e Bego. 

   Esta vez foi Adriana, en idade infantil aínda, quen obtivo a maior puntuación (16 ptos), seguida de Lu con 14 ptos, e unha sorprendente Marisa con 10 ptos, igual que Bego. Estas puntuacións fan que Lu domine a Conferencia, agora con 4 ptos de vantaxe sobre a súa compañeira de equipo, Bego. Aparece a 21 ptos Adriana, que está aguantando a 3ª posición do podio con bastante solvencia, pois a cuarta clasificada, Elena, ten 18 ptos menos que a palanadora de Vigo. 

Marisa, de Lúa de Forza, sube por vez primeira a un chanzo do podio

   Esta situación fainos intuír que a loita polo título vai ser emocionante a diferenza das últimas temporadas, onde Bego non tivo rival. Polo momento, estas dúas xogadoras de Corredoiras están sendo moi regulares con actuacións que nunca baixaron dos 10 ptos. Daquela, vai ser difícil que outra xogadora teña opcións de disputarlles o título, sobre todo, estamos pensando en Adriana e Elena, que son as alternativas á supremacia do Morrazo, pero que están sendo moi irregulares combinando actuacións magníficas da vintena de ptos con outras moi baixas que non chegan aos 5 ptos. 

    Debemos esperar á época invernal con xonadas que se xogarán en pavillóns para ver se Bego se mostra vulnerable e Lu impón a súa regularidade. Esta loita deportiva é das mellores que se poden ver na LNB en Categoría Feminina, pois suman 3 títulos Nacionais Femininos entre as dúas. Só a gran Geni de Billardeiros Musicais pode presentar un palmares comparable a estas dúas extraordinarias palanadoras.

Lú, de Corredoiras, lidera a Conferencia en Categoría Feminina

	FEMININA	EQU	TOT
1	LU	COR	74
2	BEGO	COR	70
3	ADRIANA	VAL	53
4	ELENA	GHA	35
5	BELMIRA	VAL	34
6	VANESSA	GHA	30
7	ANA	GHA	29
8	CASILDA	GHA	28
9	MARGA	GHA	25
10	MARISA	LÚA	23
11	TANIA	VAL	20
12	CHEFA	COR	17
13	PATRI OUBIÑA	CAS	16
14	LITA	LAX	14
15	CHELI	GHA	14