CONFERENCIA RÍAS BAIXAS

CRÓNICA 14º XORNADA

PARTICIPACIÓN

83

24 MULLERES
59 HOMES

A choiva do sábado fixo que tiveramos que utilizar o pavillón de Lourido-Poio. A participación foi a terceira máis alta da temporada, chegando a xuntarnos 83 persoas. Destacar a participación infantil que ascendeu a 11 xogadores e xogadoras. Esta afluencia da rapazada foi debida á promoción que o concello de Poio está realizando da billarda tanto na actividade anual da ludoteca como na actividade de campamento de verán. Foi marabilloso presenciar como as cativas e os cativos gustan deste xogo.

No aspecto competitivo afirmar que a falta de 2 xornadas de liga xa temos campioa na categoría feminina, que é Bego de Corredoiras Rías (Bueu). A de Bueu consegue o seu 3º título de Conferencia consecutivo, confirmando o seu dominio incontestable desde a primeira xornada celebrada no Grove.

Na categoría infantil, a Juanma de Lúa de Forza (Sanxenxo) fáltanlle 1 pto para ser campión dun xeito matemática. Para que non repetira o título do 2015, Geno do equipo de Bueu tería que obter a máxima puntuación nas dúas xornadas que faltan e Juanma non obter ningún pto. cousa que se nos antolla imposible.

Na categoría absoluta, co triunfo de Ricar nesta xornada de Poio e coas puntuación moi baixa de Luís (Gharaboto-Marín) e baixa de Xan (Lúa de Forza-Sanxenxo), sucede que a loita polo podio dividiuse en dous grupos, o grupo dos que van loitar polo título, Xan e Ricar, cunha diferenza de 19 ptos a favor do de Sanxenxo, e os que van loitar pola terceira praza de honor. Esta praza é a máis disputada, pois agora ocúpaa Bego con 3 ptos de vantaxe sobre Luís e Daniel (Rinoceronte-Pontevedra) e 16 sobre Andrés Rodríguez.

Na categoría de equipos, tamén aconteceu un cambio na terceira posición de podio, agora ocupada polo equipo de Pontevedra, Rinoceronte. A pugna é fantástica entre estes e Gharaboto, agora separados por 3 ptos. A primeira praza está practicamente asegurada para Corredoiras Rías, que desde a primeira xornada de liga está situado nela sen interrupción. A segunda posición ocúpaa Lúa de Forza con 48 ptos de vantaxe sobre o terceiro clasificado. Entón, o que podemos pronosticar é que as dúas próximas xornadas (Arcade e Pontevedra) serán emocionantes ao máximo, ao mesmo tempo que incerto adiviñar quen ocupará esas posicións de honor. Evidentemente, sería unha sorpresa enorme que o equipo subcampión nacional 2015 (Gharaboto) se quedase sen praza para acudir ao PLAY OFF NACIONAL 2016. Os pontevedreses de Rinoceronte xa ocuparon a terceira praza o ano pasado, pero o inesperado foi a actuación de Lúa de Forza que o pasado exercicio ligueiro non obtivo praza para as finais nacionais.

14ª XORNADA

2ª-LU (COR) 1º-RICAR (COR) 3º-ALBERTE (RIN)

2º-JUANMA (LÚA) 1ª-ADRIANA (VAL) 3º-ADRIÁN (GHA)

1ª-ANA (LIP) 2ª-BEGO (COR) 3ª-ELENA (GHA)

CRÓNICA 13 xornada BARRANTES 2 ABRIL

PARTICIPACIÓN

19 MULLERES

50 HOMES

CATEGORIA ABSOLUTA		do EQUIPO
1º	FARI	CORREDOIRAS RÍAS	BUEU
2º	OUTEIRO	CORREDOIRAS SUR	BUEU
3º	SALVA	CORREDOIRAS RÍAS	BUEU


CATEGORÍA FEMININA		do EQUIPO
1º	LU	CORREDOIRAS RÍAS	BUEU
2ª	CHEFA	CORREDOIRAS RÍAS	BUEU
3ª	BEGO	CORREDOIRAS RÍAS	BUEU


CATEGORÍA INFANTIL		do EQUIPO
1º	JUANMA	LÚA DE FORZA	SANXENXO
2º	MARTIÑO	CORREDOIRAS SUR	BUEU
3º	ADRIANA	VALPAÇOS TERRA QUENTE	VIGO


CATEGORÍA EQUIPOS
	1º	CORREDOIRAS RÍAS	BUEU
	2º	CORREDOIRAS SUR	BUEU
	3º	RINOCERONTE	PONTEVEDRA

A cor predominante nesta xornada foi a vermella de CORREDOIRAS (Bueu), xa que ocuparon 7 dos 9 postos dos podios.

Non se sabe se o seu rendemento tan alto foi debido á coincidencia das súas cores coas do equipo organizador CASILLEDÍN de Barrantes, mais o certo é que se adaptaron perfectamente á pista do pavillón.

Deste xeito, deron un paso definitivo para conseguir unha vez máis o título na categoría de equipos, xa que avantaxan en 107 ptos ao segundo clasificado, LÚA DE FORZA de Sanxenxo, que tivo a súa segunda puntuación máis baixa da temporada, o que aproveitaron GHARABOTO e RINOCERONTE para acercarse.

Nesta xornada, como todas as que se celebran en pistas polideportivas cubertas, as forzas dos competidores e competidoras igualáronse. Deste xeito, na categoría individual Daniel de RINOCERONTE (28ptos) e Andrés de LÚA DE FORZA (20ptos), conseguiron acercarse á terceira praza do podio, cousa que parecía impensable hai 2 xornadas. As dúas primeiras posicións seguen bastante distanciadas como para pensar que só Luís (GHARABOTO) poderá loitar por facerse co título ademais de Ricar (2º) e Xan (1º).

INDIVIDUAL ABSOLUTA

1	XAN	LÚA	294
2	RICAR	COR	267
3	LUÍS PIRUCHA	GHA	236
4	DANIEL	RIN	224
5	BEGO	COR	218
6	ANDRÉS RGUEZ	LÚA	210
7	CHE	RIN	208
8	GINÉS	LÚA	199
9	LUÍS CAMIÑA	GHA	198
10	SALVA	COR	195

Na categoría de equipos os postos 2º e 3º do podio están moi, pero que moi discutidos. O equipo de Sanxenxo parte cunha vantaxe de 42 ptos sobre o de Marín e 55 ptos sobre o equipo de Pontevedra, pero non poden descoidarse, pois unha xornada mediocre combinada cunha moi boa xornada de calquera dos seus perseguidores pode darlle un chimpacarneiro á clasificación. Sobre todo, se temos en conta que o equipo que gana unha xornada consegue sobre 90 ptos, máis ou menos, e que a media de ptos que conseguen estes tres equipos está entre 69 e 73.

Equipo			Total
CORREDOIRAS RÍAS	BUEU	COR	1061
LÚA DE FORZA	SANXENXO	LÚA	954
GHARABOTO	MARÍN	GHA	912
RINOCERONTE	PONTEVEDRA	RIN	899
OS DE TORRES	O GROVE	TOR	614
CORREDOIRAS SUR	BUEU	COS	555
ZUME DE VIMBIA	SANXENXO	ZUM	482
VALPAÇOS	VIGO	VAL	436
ANDARELA	MEAÑO	AND	154
CASILLEDIN	RIBADUMIA	CAS	146
LIPELAPE	MARÍN	LIP	145

Na categoría feminina hai dúas loitas interesantes. A primeira é por facerse coa 2ª e 3ª posición do podio entre LU, bicampioa nacional, e Chefa. A outra é entre Elena (GHARABOTO) e Belmira (VALPAÇOS TERRA QUENTE de Vigo) para ocupar a 4ª praza e a 5ª, e incluso poderían optar ao podio se se descoidan tanto Lu como Chefa. A primeira posición parece que non ten discusión e será outro ano máis para Bego, que xa pode asegurar o título na vindeira xornada de Poio.

FEMININA

Nome	EQU	TOT
BEGO	COR	218
LU	COR	139
CHEFA	COS	139
ELENA	GHA	105
BELMIRA	VAL	104
TANIA	VAL	86
ANA	LIP	63
ADRIANA	VAL	62
VANESSA	GHA	59
YUDANI	COR	54
CASILDA	GHA	51

Na categoría infantil Juanma ten o título moi cerca, tan cerca como a 8 km, pois na próxima xornada de Poio pode facerse con el matematicamente. Geno tivo unha xornada que alguén denominou redonda coa saudable intención de ironizar, xa que fixo un 0 nas 5 carreiras.

INFANTIL

Nome	Equipo	Total
JUANMA CAMIÑA	LÚA	179
GENO	COR	131
ADRIANA	VAL	62
ADRIÁN	GHA	57
MARTIÑO	COS	54
BRAIS	COR	38
LOPE FILLO	GHA	19
MARIO	LÚA	14
GABRIEL		10
RUBÍ	GHA	7

13ª XORNADA

CAMPO DE FÚTBOL DE LEIRO

12ª xornada SALCEDO-PONTEVEDRA

PARTICIPACIÓN

20 MULLERES

51 HOMES

CATEGORIA ABSOLUTA		do EQUIPO
1º	PASTO	GHARABOTO	MARÍN
2º	RICAR	CORREDOIRAS RÍAS	BUEU
3º	BEGO	CORREDOIRAS RÍAS	BUEU


CATEGORÍA FEMININA		do EQUIPO
1º	CHEFA	CORREDOIRAS SUR	BUEU
2ª	LU	CORREDOIRAS RÍAS	BUEU
3ª	BELMIRA	VALPAÇOS TERRA QUENTE	VIGO


CATEGORÍA INFANTIL		do EQUIPO
1º	GENO	CORREDOIRAS RÍAS	BUEU
2º	JUANMA	LÚA DE FORZA	SANXENXO
3º	MARTIÑO	CORREDOIRAS SUR	BUEU


CATEGORÍA EQUIPOS
	1º	GHARABOTO	MARÍN
	2º	CORREDOIRAS RÍAS	BUEU
	3º	LÚA DE FORZA	SANXENXO

PODIO ABSOLUTA

PODIO INFANTIL

PODIO FEMININA

Fenomenal xornada de billarda en pista rápida. O pavillón de Cabanas, na parroquia pontevedresa de Salcedo, foi o escenario da 12ª xornada de liga. Unha característica deste tipo de superficies é a distancia que as billardas poden percorrer esvarando unha vez que tocan o chan. Daquela, sempre é unha boa oportunidade para conseguir varados. Foron 34 lanzamentos directos os que se sumaron. Deste xeito, a clasificación na categoría de varados empeza a poñerse interesante.

Ao mesmo tempo, a clasificación na categoría de EQUIPOS é a máis incerta na definición dos postos 2º e 3º, que darán dereito a participar no PLAY OFF. Na primeira posición está moi consolidado o equipo de Bueu CORREDOIRAS RÍAS, que mantén a posición desde a primeira xornada de liga. Onde realmente está o interese é en quen serán os outros dous equipos que representarán ás RÍAS BAIXAS. Quen mellor posicionado está é LÚA DE FORZA. O equipo de Sanxenxo, que foi Campión Nacional o 2014 e o ano pasado non logrou clasificarse para defender o título, parece que volveu con forza e acerto este 2016. Non obstante, non podemos esquecer que GHARABOTO (Marín) é o actual subcampión nacional 2015, e aínda que ten unha loita emocionante para ocupar a terceira das prazas con RINOCERONTE, o seu potencial é enorme. O caso do equipo de Pontevedra é incerto, pois ser o equipo máis novo da competición supón que a xornadas espectaculares suman outras máis febles. Os outros equipos non teñen o potencial destes catro, pero cada día acércanse máis. O exemplo témolo no equipo do Grove OS DE TORRES, que este ano xa conseguiron en dúas xornadas chegar aos 60 ptos que marcan o límite para poder optar a estar entre os primeiros.

Nas categorías individuais, as posicións seguen consolidadas. Na absoluta non fallan os tres primeiros e manteñense as distancias bastante amplias entre Xan (1º) e Ricar (2º) 30 ptos, e entre este e Luís (3º) 24 ptos. As posicións non son definitivas, pois os ptos máximos que se poden conseguir nunha xornada son 31, polo tanto unha mala xornada do líder e unha moi boa dos perseguidores daríalle emoción ata o final. Veremos que sucede. Na categoría feminina, parece inevitable que Bego revalide o título. Os outros dous postos disputaranos CHEFA, LU, ELENA e TANIA. Na categoría infantil JUANMA mantén a distancia de 40 ptos sobre GENO.

XORNADA 12

EN CASO DE CHOIVA (pavillón de Cabanas ao lado do CEIP Cabanas)

RESUME da 11ª xornada

PARTICIPACIÓN

MULLERES

HOMES

A tarde de choiva fixo que tiveramos que xogar no pavillón de Carballedo (Cotobade). A superficie de xogo do recinto estaba cuberta con moqueta, o que lle aportou un ingrediente novedoso para os nosos e as nosas palanadores. A algunhas xogadoras gustoulles este terreo a outras non tanto. O certo é que este material de tea fixo máis lento o desprazamento das billardas e cachizas. O resultado foi que só que conseguiron facer 5 varados e 2 deles no palán do coroceiro nacional Ricar.

A xornada foi moi propicia para os equipos de CORREDOIRAS RÍAS que ganaron a xornada con 94 ptos., e para RINOCERONTE que con 88 conseguiron alcanzar na clasificación xeral a terceira praza que dá dereito a participar no PLAY OFF NACIONAL do 29 de maio, iso si empatados a puntos con GHARABOTO. A falta de 5 xornadas o título de conferencia semella que será para os xogadores e xogadoras de Bueu. As outras dúas prazas haberá que disputalas ata a última ou penúltima xornada.

A xornada foi ganada por Xan (LÚA DE FORZA-SANXENXO), seguido de Ricar (CORREDOIRAS RÍAS-BUEU) e Gelín (GHARABOTO-MARÍN). Deste xeito, a clasificación xeral absoluta segue encabezada por Xan, en segunda posición mantense Ricar e terceiro Luís (GHARABOTO).

3ª ANA 1ª CHEFA 2ª LU

Na categoría feminina ganou a xornada Chefa (CORREDOIRAS SUR-BUEU), en segunda posición quedou Lu (CORREDOIRAS RÍAS-BUEU) e terceira foi Ana (GHARABOTO)