NOVAS DA TEMPORADA 2012-2013

A mediados de mes sacaremos o calendario da temporada 2012-2013, así como, o novo sistema de competición e puntuacións.

Haberá varias novidades importantes. Aumento do nº de xornadas, Lugares fóra da comarca, Cambio da denominación da Conferencia, Premios, etc.

Pero para satisfacer un pouquiño a vosa curiosidade adiantar en primicia mundial que xa están confirmadas as 2 primeiras xornadas. Serán deste xeito:

1ª-xornada O GROVE  1 de setembro, sábado 16:30

2ª-xornada NOALLA    8 de setembro, sábado 16:30

TORNEOS PARA A FIN DE SEMANA

ABERTO DE BILLARDA DE BUEU

Sábado 28 xullo

19 horas

DÍA 25 DÍA DE GALICIA

A CRÓNICA DO ABERTO RÍO UMIA (en TodoLNB)

TORNEO RÍO UMIA

SÁBADO 21 XULLO

19 h.

BARRANTES

XA TEMOS CONFIRMADOS OS PREMIOS QUE SE REPARTIRÁN,


INDIVIDUAL ABSOLUTA

1º/ª-Trofeo + estuxo de 3 botellas de viño

2º/ª- Medalla + estuxo de botellas de viño

3º/ª- Estuxo de botellas de viño

4º/ª - Estuxo de botellas de viño

INDIVIDUAL FEMININA 

1ª-Trofeo + estuxo de 3 botellas de viño

2ª- Medalla + estuxo de botellas de viño

3ª- Estuxo de botellas de viño

4ª- Estuxo de botellas de viño

 

INDIVIDUAL INTANTIL MIXTA

                              1º/ª- trofeo

                              2º/ª- medalla

VARADOS

1º/ª estuxo de botellas de viño

2º/ª estuxo de botellas de viño

Nota acraratoria dos premios por categorías
--se unha muller consegue entrar entre os 4 primeiros postos da categoría absoluta levará o premio que lle corresponde nesta categoría máis o que lle corresponda na categoría feminina.
--se un neno (categoría infantil, máximo 14 anos) consegue entrar entre os 4 primeiros postos na categoría individual absoluta, levará o premio que lle corresponde nesta categoría máis o que lle corresponda na categoría infantil.
--se unha nena (categoría infantil, máximo 14 anos) consegue entrar entre os 4 primeiros postos na categoría feminina, levará o premio que lle corresponde nesta categoría,  se ademais consegue estar entre os 4 primeiros postos na categoría individual absoluta, tamén conseguirá o premio que lle corresponda nesta categoría, amáis do que lle corresponda na categoría infantil.

PRÓXIMO TORNEO NA COMARCA DO SALNÉS

SEGUINTE PARADA DO TREN LNB 

 BARRANTES 19H.

Ver mapa más grande

PRÓXIMA TEMPORADA

Ola compañeiras e compañeiros. Estamos planificando a próxima temporada, así como dándolle voltas ao sistema de competición. 

O obxectivo para esta nova temporada é, en canto ao sistema de competición, xogar todos e todas o mesmo número de carreiras, e tamén xogar nas dúas modalidades, ou sexa, en grupo e en enfrontamentos individuais. 

Daquela, hai unha proposta que consistiría en xogar unha fase de grupos, 4 carreiras. 

Ao finalizar, as 16 mellores puntuacións pasarían á segunda fase a disputar os postos do 1º ao 16. As outras puntuacións disputarían os postos do 17º ao 32º, e 33º ata o último participante. Esta segunda fase estaría formada por enfrontamentos individuais. No primeiro enfrontamento xogaría a puntuación 1ª contra a puntuación 16ª, a 2ª contra a 15ª, e así sucesivamente. Despois deste primeiro enfrontamento os/as ganadores/as seguirán enfrontándose entre si, para optar aos postos 1º-8º, e os perdedores seguirán enfrontándose entre si para optar aos postos 9º-16º.

En definitiva, serían 4 carreiras en grupo e 4 carreiras individuais. Os enfrontamentos individuais a unha única carreira. Así, xogamos todos e todas 8 carreiras.

Esperamos suxestións.

CONSAL: UNHA POTENCIA NA CATEGORÍA FEMININA

 ELENA (BATEAS) 3ª

LU (CORREDOIRAS) 

CAMPIOA GALEGA

 CHELI (CORREDOIRAS) 4ª

Incontestable o dominio na categoría feminina da CONSAL.  

Elena naceu como palanadora da LNB ao mesmo tempo que naceu a nosa CONSAL. Ou sexa, a primeiros do mes de outubro de 2011. A súa progresión é asombrosa, pois en oito meses púxose ao nivel que vimos de comprobar na Final Galega: 3ª clasificada na categoría feminina e única muller que entrou entre os/as 32 mellores na categoría individual absoluta.

A historia de LU está vencellada ao 1º TORNEO BISESTO, que se disputou en Samieira o 29 de febreiro de 2012. Xa que foi alí onde xogou por vez primeira. Aínda nos lembramos daquela  timidez dos seus primeiros golpes a unha billarda. En 3 meses convertíuse en CAMPIOA GALEGA. Onde estarán os seus límites? Quen o sabe.

Cheli viña acompañando desde o ano pasado a outros palanadores xa consolidados na LNB, mais non se atrevía a participar con asiduidade debido aos sistemas de competición tan esixentes das Conferencias. Finalmente, este ano encontrou no sistema da CONSAL un acubillo onde desenvolver as súas potencialidades. Os resultados son evidentes. A súa progresión tamén.

A ESMORGA 4º CLASIFICADO NO CAMPIONATO GALEGO 2012 BILLARDA

A ESMORGA

(Luís Camiña-Xavi-Alberto-Chuma-Gelín)

RESULTADOS DO CAMPIONATO GALEGO BILLARDA 2012

A CONFERENCIA SALNÉS, a alcumada CONSAL, a máis nova de todas, obtivo uns resultados que se lembrarán xa para sempre, pois vai ser difícil igualalos e moi difícil superalos.

Na categoría INDIVIDUAL ABSOLUTA, Xan Rodiño (BATEAS) conseguíu o Subcampionato. 

Na categoría INDIVIDUAL FEMININA, Lu (CORREDOIRAS) logrou proclamarse Campioa Galega, Elena González (BATEAS) chegou ata o 3º posto e Cheli (CORREDOIRAS) quedouse co 4º posto.

Na categoría EQUIPOS, revalidou o título conseguido no 2011, BATEAS, e A ESMORGA que participaba por vez primeira entrou nos postos de honor alcanzando o 4º lugar, despois dun desempate polo 3º posto.

Na categoría VARADOS, Xan Rodiño (BATEAS) é o Campión Galego.

Ademais destes xogadores e xogadoras que alcanzaron o podio, debemos destacar a actuación da maioría dos/das representantes da nosa conferencia. Así, na categoría individual absoluta,
Luís (BATEAS) chegou a cuartos de final.  

Alberto (A ESMORGA), Cristian (BATEAS), Gelín (A ESMORGA) e Xoro (Xo Rodiño-BATEAS) chegaron a oitavos de final.  

Jandro (PORTONOVO), Elena (BATEAS), Luís Camiña (A ESMORGA) e Chuma (A ESMORGA), chegaron a dezaseisavos de final.

Ou sexa, tivemos a 9  dos/das 12  representantes entre os 32 mellores palanadores e palanadoras galegos.

CLASIFICADOS/AS PARA PARTICIPAR NO CAMPIONATO GALEGO BILLARDA 2012

CATEGORÍA INDIVIDUAL ABSOLUTA
 1-XAN (BAT)
2-XORO (BAT)
3-BALEA (BAT)
4-LUÍS CAMIÑA (AES)
5-GELÍN (AES)
6-IVÁN (BAT)
7-CHUMA (AES)
8-ALBERTO (AES)
9-ELENA (BAT)
10-LUÍS GONZALEZ (BAT)
11-ÁNGEL (AND)
12-ÁNDRÉS

CATEGORÍA FEMININA
1-ELENA (BAT)
2-LU (COR)
3-CHELI (COR)
4-LUCÍA (AND)
5-MAICA (BAT)

VARADOS
XAN
LUÍS
XORO
IVAN-CRISTIAN-LUÍS CAMIÑA (Están empatados. Desempatarán os 3 en Conxo por 2 prazas)

Estas listas son as oficiais da CONSAL. Son susceptibles de modificacións ante os casos de non asistencia de algún/ha dos/das clasificados/as. Nestes casos o dereito a participar pasará ao/á seguinte clasificado/a e así sucesivamente.