PARA LOCALIZAR O CEIP VIÑAGRANDE

http://www.edu.xunta.es/centros/ceipdevinhagrande/

9ª xornada

A 9ª xornada que se disputará no CEIP Viñagrande (Deiro-Vilanova de Arousa) será o sábado 24 xaneiro. 

OLLO Á DATA

CRÓNICA 8ªXOR

En Beluso, o equipo pontevedrés RINOCERONTE conseguíu 75 ptos. Ningún outro equipo puido estar á súa altura. Deste xeito, afiánzase na 3ª posición da xeral acercándose a 30 ptos do líder, CORREDOIRAS RÍAS. Os de Bueu, que xogaban na casa, conseguiron superar en 4 ptos a GHARABOTO e agora son líderes con só un pto máis que os de Marín. Na terceira posición e na cuarta aparecen os equipos de Sanxenxo, LÚA DE FORZA e ZUME DE VIMBIA.

  Juanma Camiña, a os seus 12 anos, foi o vencedor da 8ª xornada. Juanma conseguíu 20 ptos nas cinco carreiras, igual que fixo Juanma Rino. Entón, tiveron que disputar unha carreira de desempate, na cal venceu o de LÚA DE FORZA, en dous portentosos golpes. O de RINOCERONTE non foi quen de facer o mesmo e tivo que conformarse coa segunda praza. 

   Nesta xornada non houbo cambios nos primeiros postos, pois entre os catro primeiros apenas houbo 2 ptos de diferencia. Así, Xan de LÚA DE FORZA sigue como líder, Luís de GHARABOTO está a 8 ptos deste, en segunda posición, Ricar de CORREDOIRAS RÍAS é terceiro a 16 ptos, e Álvaro de ZUME DE VIMBIA a 25, está na cuarta posición.

   Con este resultado Juanma Camiña, que está aínda en categoría infantil, sube ata o posto 13 da xeral absoluta, o que lle daría praza para o play off nacional 2015. Na categoría infantil, o seu dominio é absoluto, só Geno, Adriana e Martiño lle fan fronte, mais a moita distancia.
    Salientar a participación nesta categoría de Brais, actual campión infantil LNB. 

GENO (COS), ADRIANA (VAL), BRAIS (COS)

 Na categoría feminina, Yu conseguíu alzarse coa vitoria na xornada. Obtivo 19 ptos. A palanadora de Bueu, que ata o ano pasado estaba na categoría infantil, mantense na 3ª posición da xeral feminina, sendo a única opción de alternativa ás dúas grandes dominadoras Bego (COR) e Lu (COR). A primeira, actual campioa LNB 2014 e a segunda, campioa LNB 2012.

8ª XOR resultados

PARTICIPACIÓN

67

MULLERES

20

HOMES

47

1º-JUANMA CAMIÑA (LÚA)

2º-ALBINO (RIN)

3º-JUANMA (RIN)

1ª-YUDANI (COR)

2ª-BEGO (COR)

3ª-MÓNICA (ZUM)

1º-BRAIS (COS)

2º-GENO (COS)

3ª-ADRIANA (VAL)

8ª XOR

Inscrición 15.30. Sorteo 15:45. Comenzo 16 h. Lugar: Pavillón Municipal de Beluso (Bueu). Chegar a Bueu e coller a estrada de Aldán (PO 315) ate o cruce das praias no centro de Beluso. Logo, tomar dirección Parque Industrial e o Pavillón está a escasos 400 metros do citado cruce. Tfno. Outeiro 658491908

CRÓNICA 7ª XOR VILALONGA

  O lugar da Telleira na parroquia de Vilalonga (Concello de Sanxenxo) foi o lugar escollido para disputar a 7ª xornada da LNB Rías Baixas.
  A tarde foi soleada, mais o norte fixo que a temperatura necesitara dunha boa roupa de abrigo. Non obstante, isto non foi impedimento para a participación de 76 persoas, pertencentes a 11 equipos.
  Os terreo de xogo de terra e a proximidade do mar da Ría de Arousa dificultaron o avance das billardas. Aínda así, houbo 2 varados (atravesar coa billarda a liña do varal dun só golpe). Un fíxoo Xoán Paulo, de LÚA DE FORZA e outro Pesto, de GHARABOTO. Palanadores cun gran golpe de saída.

SERGIO (CASILLEDÍN-Barrantes-Ribadumia)

 Despois das puntuacións alcanzadas nesta 7ª xornada, a clasificación de equipos segue encabezada por GHARABOTO (Marín), agora con tan só 3 ptos de vantaxe sobre CORREDOIRAS RÍAS (Bueu). Na terceira posición segue RINOCERONTE (Pontevedra) a 37 ptos da cabeza. Partían como favoritos ao título e estanse comportando de acordo con estas predicións. Na cuarta praza, a 92 do 1º posto aparece o actual campión da LNB, LÚA DE FORZA (Sanxenxo), que nas tres últimas xornadas tivo un rendemento alto e non quere renunciar aínda a defender o seu título. De todos os xeitos, pensamos que como moito poderán loitar pola 3ª praza.

  Na clasificación Absoluta Xan (LÚA), 150ptos, actual campión da LNB (coroceiro nacional), afianza a 1ª posición e distánciase algo máis de Luís (GHA), 143ptos, 2º clasificado, e de Ricar (COR) 133ptos, 3º. Por detrás destes, Álvaro (ZUM) 125 e Gelín (GHA) 116, tiveron unha boa actuación na xornada e manteñense alerta para aproveitar unha mala actuación de calquera dos que vai por riba deles.

TAXEIRO (VALPAÇOS TERRA QUENTE-Vigo)

  Bego (COR) segue firme na primeira posición na categoría feminina, seguida por Lu (COR), a 33 ptos de distancia. A 3ª posición é para Yudani (COR) que está a 38 ptos da segunda posición. As dúas primeiras prazas están moi lonxe para o resto de palanadoras, sobre todo pola entidade de Bego, actual Campioa LNB feminina e Lu, campioa LNB, hai dúas temporadas. Porén, onde está todo aberto é nesta 3ª posición, pois desde esta ata a novena praza hai soamente 19 ptos de diferencia.
  Na categoría infantil, Adrián (GHA) conseguíu ganar esta xornada con 14 ptos e presentarse como unha serie ameaza ao dominio abrumador de Juanma (LÚA), que avantaxa ao segundo clasificado Geno (COS) en 66 ptos. Geno tiveron unha actuación aceptable e continúa na segunda posición, 3ª é Adriana (VAL) e 4º Martiño (COS).

7ª XOR 6-12-2014 VILALONGA

PARTICIPACIÓN

76

MULLERES

26

HOMES

50

Oscar Canitrot                                                                                                                  

Magnífico escenario 

A TELLEIRA, 

en Vilalonga. 

Mar a un lado 

Oscar Canitrot                                                                                                         

e pola outra beira,

 o monte.

1º-XOÁN PAULO (LÚA)
2º-XAN (LÚA)
3º-SUSO (COR)

1ª-LU (COR)

2ª-BEGO (COR)

3ª-CHEFA (COS)

1º-ADRIÁN (GHA)

2º-JUANMA(LÚA)

3º-MARTIÑO (COS)

7ª XORNADA

Chegar a OS PASALES (DENA) unha vez alí, seguir pola beira do mar dirección Vilalonga (unha pista de terra). Estará sinalizado. 

TERREO DE XOGO de TERRA.

CRÓNICA 6ª XOR

O campo da festa de Castrelo é un lugar ideal para xogar billarda en terra, sen depender da climatoloxía, pois unha cuberta metálica impide que a choiva caia sobre a superficie de xogo.

   Así, a tarde do sábado 15 novembro disputouse a 6ª xornada LNB Rías Baixas. A participación foi de 67 xogadores/as que representaban a 11 equipos. 

  O 33% desta participación correspondéulle ao sexo feminino. Salientar a dificultade para conseguir varados cando a superficie de xogo é terra. Non houbo ningún varado na xornada. 

  Os resultados desta xornada fixeron que algunhas clasificación cambiaran nos primeiros postos. Deste xeito, a categoría de Equipos pasa a estar encabezada por GHARABOTO (Marín), que por 3ª xornada consecutiva consigue obter a vitoria na xornada. Agora, por vez primeira na temporada avantaxa a CORREDOIRAS RÍAS (Bueu). Ten 5 ptos máis que estes. O único equipo que segue a estes dous grandes favoritos para o título é RINOCERONTE (Pontevedra) que está a 24 ptos do primeiro posto. 

  Tamén, houbo cambio de líder na categoría Absoluta. A ausencia de Ricar (COR) favoreceu a Xan (LÚA), que conseguíu ganar a xornada e sumar 24 ptos, co cal se coloca primeiro. Ricar fóra líder durante as 5 primeiras xornadas. Luís (GHA) queda a só 2 ptos do primeiro posto, Ricar queda a 15 ptos e Álvaro (ZUM) a 19. Outros que obtiveron un bo feixe de ptos foron Che (RIN) e Gelín (GHA), que ocuparon o 3º e 2º posto na xornada, e con isto entran nos 10 primeiros postos.

  Na categoría feminina Lu (COR) conseguíu a máxima puntuación da xornada con 18 ptos e conserva o segundo posto xeral, aínda que máis cerca de Begoña (COR) que só obtivo 11. Agora, a distancia entre ambas é de 25 ptos. Yudani (COR) é terceira clasificada, Marga (GHA) cuarta e Monica (ZUM) quinta. 

  Juanma (LÚA) ganou na categoría Infantil conseguindo 22 ptos afianzando o seu liderado. Geno, segundo clasificado na xeral obtivo 2 ptos e conserva a segunda praza. Adriana (VAL) e Sofía (CAS) sitúanse a 5 e 7 ptos, respectivamente deste 2º posto. Sara (ZUM) e Martiño (COS) son os outros candidatos ao 2º e 3º posto, xa que se Juanma mantén a regularidade actual vai ser moi difícil que alguén se lle acerque, pode incluso optar á clasificación directa para o Play Off Nacional na categoría absoluta. Actualmente está no posto 12 da xeral absoluta.

  A clasificación de Varados non tivo modificación algunha. Sigue encabezada por Xoán (LÚA) e Luís Camiña (GHA), cada un con 3 varados. Deberemos esperar á chegada da choiva para utilizar pavillóns e aproveitar a superficie esvaradiza destes.

 

6ª xornada

PARTICIPACIÓN

67

MULLERES

22

HOMES

45

CATEGORÍA FEMININA

2ª-SOFÍA (CASILLEDÍN) 1ª-LU  (CORREDOIRAS RÍAS) 3ª-BEGO  (CORREDOIRAS RÍAS)

CATEGORÍA ABSOLUTA

3º-GELÍN (GHARABOTO) 1º-XAN (LÚA DE FORZA) 2º-LITO (CORREDOIRAS RÍAS)

CATEGORÍA INFANTIL

1º-JUANMA (LÚA DE FORZA)

2ª-ADRIANA (VALPAÇOS TERRA QUENTE)

3º-GENO (CORREDOIRAS SUR)